Нууцлалын бодлого
Sursur (sursur.mn) нь англи хэл сурах вэб үйлчилгээ бөгөөд Sursur баг эрхлэн ажиллуулдаг. Энэ бодлого бид ямар мэдээлэл цуглуулж, юунд ашиглаж, хэрхэн хамгаалдгийг тайлбарлана.
1. Бидний цуглуулдаг мэдээлэл
- Бүртгэл: нэр, имэйл хаяг, нууц үг. Нууц үгийг зөвхөн буцааж задлах боломжгүй hash хэлбэрээр хадгална.
- Google эсвэл Facebook-ээр нэвтрэх үед: тухайн үйлчилгээнээс ирэх нэр, имэйл хаяг, бүртгэлийн дугаар. Бид таны Google, Facebook-ийн нууц үг, найзын жагсаалт, нийтлэлд хандахгүй.
- Профайл, тохиргоо: түвшин, өдрийн зорилго, дуу хоолой болон тоглуулах хурдны сонголт.
- Суралцах явц: үзсэн хичээл, дасгалын хариулт, шалгалтын дүн, хадгалсан үг, давталт.
- Ярих дасгал: микрофоноор хэлсэн үгийг таны browser текст болгодог (жишээ нь Chrome нь үүнд Google-ийн ярианы танилтыг ашигладаг). Бид дууны бичлэгийг хадгалдаггүй; зөвхөн танигдсан текст болон оноог хадгална.
- AI туслах (Plus): таны асуулт хариулт авахын тулд Google Gemini руу илгээгдэнэ. Ярианы түүх зөвхөн таны төхөөрөмжийн browser-т хадгалагдана; манай сервер агуулгыг нь бичдэггүй, зөвхөн өдрийн асуултын тоог тоолно. Google-ийн нөхцлийн дагуу асуулт, хариултыг Google бүтээгдэхүүнээ сайжруулахад ашиглаж болзошгүй тул туслахад хувийн мэдээлэл бүү бичээрэй.
- Төлбөр: төлбөрийг Byl.mn гүйцэтгэдэг тул карт, дансны мэдээлэл бидэнд ирдэггүй. Бид захиалгын дугаар, багц, дүн, төлөв, огноог хадгална.
- Техникийн мэдээлэл: IP хаяг (нэвтрэх оролдлогыг хязгаарлаж, бүртгэлийг хамгаалахад), хүсэлтийн бүртгэл (хуудасны зам, хариу, хугацаа; хайлтын утга бичигдэхгүй), нэвтрэлтийн cookie.
- Бүртгэлгүй хэрэглэгч: явц нь таны browser-т хадгалагдана; шалгалтын оролдлого серверт нэргүй session-оор хадгалагдана.
2. Ашиглах зорилго
- Үйлчилгээ үзүүлж, таны явцыг төхөөрөмж хооронд хадгалах
- Plus эрх олгож, төлбөрийг баталгаажуулах
- Нууц үг сэргээх, имэйл баталгаажуулах зэрэг үйлчилгээний имэйл илгээх
- Бүртгэлийг хамгаалж, урвуулан ашиглалтаас сэргийлэх
- Алдааг олж засах, үйлчилгээг сайжруулах
Бид таны мэдээллийг худалдахгүй, зар сурталчилгаанд ашиглахгүй, сурталчилгааны имэйл илгээхгүй.
3. Мэдээлэл боловсруулдаг гуравдагч үйлчилгээ
- Vercel: вэб сайтыг ажиллуулах
- Railway: сервер ба өгөгдлийн сан (Сингапур)
- Cloudflare R2: хичээлийн аудио файл
- Resend: үйлчилгээний имэйл
- Google: Gemini AI туслах, Google-ээр нэвтрэх
- Meta: Facebook-ээр нэвтрэх
- Byl.mn: төлбөр
- Microsoft Azure: хичээлийн өгүүлбэрийг дуу болгох (хэрэглэгчийн мэдээлэл илгээгддэггүй)
4. Cookie ба browser-ийн хадгалалт
Нэвтрэлтийг хадгалах cookie (HttpOnly), зочны session, тохиргоо болон AI туслахын ярианы түүхийг таны browser-т хадгална. Зар сурталчилгааны болон хэрэглэгч мөшгих cookie ашигладаггүй.
5. Хадгалах хугацаа
- Бүртгэлийн мэдээлэл, явц: бүртгэл идэвхтэй байх хугацаанд
- Нууц үг сэргээх, баталгаажуулах линк: хугацаа нь дууссанаас хойш 30 хоногийн дотор устгагдана
- Бүртгэлгүй хэрэглэгчийн шалгалтын оролдлого: 90 хоног
- Ярих дасгалын оролдлого: 180 хоног
- Дууссан нэвтрэлтийн session: автоматаар устгагдана
- Төлбөрийн бүртгэл: хууль, санхүүгийн тайлагналын шаардлагаар шаардлагатай хугацаанд
6. Таны эрх
- Профайлаасаа мэдээллээ харах, засах
- Бүртгэл, мэдээллээ устгуулах: өгөгдөл устгуулах заавар
- Google, Facebook-ийн холболтыг тухайн үйлчилгээний тохиргооноос хүссэн үедээ салгах
7. Хүүхэд
13-аас доош насны хүүхэд эцэг эх, асран хамгаалагчийн зөвшөөрөлтэйгээр ашиглана.
8. Аюулгүй байдал
Бүх холболт HTTPS-ээр шифрлэгдэнэ. Нууц үг болон нэвтрэлтийн түлхүүрийг hash хэлбэрээр хадгалж, өгөгдөлд хандах эрхийг зөвхөн шаардлагатай хүмүүст олгоно.
9. Өөрчлөлт
Энэ бодлогыг шинэчлэх бол энэ хуудсанд нийтэлж, дээрх огноог өөрчилнө.
10. Холбоо барих
Асуулт, хүсэлтээ sursur.help@gmail.com хаягаар илгээнэ үү.